నిద్రరాని రాత్రి - కవితలు

Telugu,Telugu kavithalu,Telugu Kathalu, Telugu Basha,Telugu Maatalu,Telugu Slokas,Telugu padyalu,Telugu Messages,Telugu Kavyalu,Telugu Stories,Telugu Poems,Telugu Poetry,Telugu People,Telugu Songs,Telugu Rachanalu

గది కిటికీ నిశ్శబ్దంగా తెరుచుకుంటుంది
శూన్యంలోకి చూపుల వలలు విసిరి
తెలియని దేనికోసమో వేట ప్రారంభిస్తుంది

హృదయకవాటాలను తోసుకుంటూ
జ్ఞాపకాల గాలివాన వస్తుంది
గుండెగోడకు కాలం మేకుని కొట్టి
మనసుదారంతో అనుభవాలను గుచ్చి వేలాడదీస్తుంది

నిముషాలు గంటలై ఘనీభవించిన రాత్రి
అతిమెల్లగా కరుగుతూ వుంటుంది
వేటాడిన చూపులు అలిసిపోతాయి
విచ్చుకుంటున్న వెలుగురేకల్లో
ఎర్రబారి మండిపోతాయి

మూసిన కిటికీ రెక్కల వెనకనుండి
పాదుకున్న పాదాలు కదల్లేక కదుల్తాయి
అంతవరకూ నిట్టూర్పుల వడగాలిలో
వేగిపోయిన చువ్వలు బరువుగా నిశ్వసిస్తాయి

రచన: కుదరవల్లి కృష్ణకుమారి

కామెంట్‌ను పోస్ట్ చేయండి

[blogger]

సంప్రదింపు ఫారమ్

పేరు

ఈమెయిల్‌ *

మెసేజ్‌ *

Blogger ఆధారితం.
Javascript DisablePlease Enable Javascript To See All Widget